🔆 အခြေခံ အားနည်းပါတယ် ဆိုသူတွေ ဖတ်ဖို့ 🔆 ( Unicode )

🔆 အခြေခံ အားနည်းပါတယ် ဆိုသူတွေ ဖတ်ဖို့ 🔆

♦️

တစ်ချို့က အင်္ဂလိပ်စာ အခြေခံအားနည်းတယ်ဆိုတာ

Verb to be ဆိုတာ ဘာတွေမှန်းကို မသိတာမျိုး ။

I happy. တို့

I interest English. တို့

Can I teach? တို့ လုပ်တာမျိုး 👈

တကယ် အားနည်း တာပါ ။

အဲ့လို လူတွေက

သာမန် ဆယ်တန်းအောင် ဘွဲ့ရတွေကို သင်ပေးတဲ့

အတန်းမှာ ဝင်တက်ရင် သိပ် အဆင်ပြေမှာ မဟုတ်လို့

ဖြစ်နိုင်ရင် လူနည်းနည်းနဲ့

သီးသန့်လေး သင်ပေးနိုင်မယ့် ဆရာ ကို

လိုက်ရှာတာ ပိုကောင်းတယ် ။

စရိတ်သက်သာအောင်

ကိုယ့်လို အခြေခံ တကယ် အားနည်းသူတွေ စုပြီး

သီးသန့် ဝိုင်းလေးစီစဉ်ရမှာပေါ့ ။

ဒါမှမဟုတ် ဆရာ့ကို စုပေးဖို့ အကူအညီ တောင်းရမှာပေါ့ ။

( အဲ့လောက် အားနည်းတဲ့ လူတွေနဲ့

ဆယ်တန်းအောင် ဘွဲ့ရတွေကို

တစ်တန်းတည်းမှာ ရောသင်လိုက်ရင်လည်း

လွယ်လွန်း ခက်လွန်း တဲ့ ကိစ္စတွေ ဖြစ်ပြီး

တကယ် ထိရောက်တဲ့ အတန်း တစ်ခု ဖြစ်လာဖို့ မလွယ်ဘူး ။

ဒါကြောင့် ကျွန်တော်တို့ သင်တန်းမှာလည်း ကန့်သတ်ချက်လေးတွေ ထားရတာ ။

မသင်ပေးချင်လို့ မဟုတ်ဘူး ။

ပိုက်ဆံရ ပြီးရောဆိုပြီး ပေးတက်လို့ ရပေမယ့်

မထိရောက်မှာ စိုးလို့ ။

သင်တန်းသားဆီက ပိုက်ဆံကို

သူ့ အတွက် အကျိုး ရှိအောင် မလုပ်ပေးနိုင်ပဲ

ခပ်လွယ်လွယ်နဲ့ မယူချင်လို့ )

♦️

တစ်ချို့က အခြေခံ အားနည်းတယ်လို့

ကိုယ့်ကိုယ်ကို ထင်နေပေမယ့်

တကယ်တမ်းက ထင်သလောက်

အားနည်းနေတာ မဟုတ်ပဲ

စိတ်က စိုးရိမ်လွန်နေတတ်တာပါ 🙂

စိတ်ကို သေချာ ပြင်ဆင်ထားပြီး

ဆရာကောင်း ( ဒါမှမဟုတ် ) ပတ်ဝန်းကျင်ကောင်း နဲ့

ကြုံကြိုက်မယ်ဆိုရင်

အဆင်ပြေသွားနိုင်တာမျိုးပါ ။

ကိုယ့်ကိုယ်ကို သိပ် လျှော့မတွက်ပါနဲ့ ။

ဆယ်တန်းထိ ဖြတ်သန်းထားပြီး

တက္ကသိုလ်ထိ ဖြတ်သန်းထားပြီးပြီဆို

ထိုက်သင့်တဲ့ အခံလေးတွေ ရှိကြပါတယ် ။

နည်းနည်း ငုပ်နေတာပါ ။

ဆွပေးရင် ကြွလာမှာ 😇

အများစုက အခြေခံ အားနည်းတာ မဟုတ်ဘူး ။

ထိတွေ့မှု လေ့ကျင့်မှု အားနည်းတာ ။

ကိုယ့်ကိုယ် ကို ပြန်မေးကြည့်ပေါ့ ။

👉 တစ်နေ့မှာ အင်္ဂလိပ်လို ရေးထားတဲ့ စာတွေ

ဘယ် နှနာရီလောက် ဖတ်ဖြစ်လဲ ?

👉 အင်္ဂလိပ်လို ပြောတဲ့ စကားတွေ

ဘယ်နှနာရီလောက် နားထောင်ဖြစ်လဲ ? ဆိုတာ ။

♦️

ဒါတွေ ပုံမှန် မလုပ်ဖြစ်လို့

သိသလိုလို မသိသလိုလို က များနေပြီး

ကိုယ် သိသလောက်ကိုတောင်

ပေါ့ပေါ့ပါးပါး ပိုင်ပိုင်နိုင်နိုင် မသုံးတတ် မသုံးရဲ ဖြစ်နေတာပါ ။

ဒီတော့ သင်တန်း တက်တာ မတက်တာ ထားလိုက်ဦး ။

အင်္ဂလိပ်လို စာတွေ စကားတွေကို

ပုံမှန် ထိတွေ့ လေ့ကျင့်ဖို့ ကို

စ ဖြစ်အောင် စ ပါဗျာ ။ 💪💪💪

သင်တန်းတက်လို့ ဆရာကောင်းနဲ့ တွေ့ရင်တော့

လမ်းကြောင်းမှန်ပေါ် ရောက်တာ မြန်နိုင်

အရှိန်ရတာ မြန်နိုင်တာပေါ့ ။

ဒါပေမယ့် အဓိက က စ လုပ်ဖြစ်ဖို့ပါ ။ 🙂

👉 သင်တန်းတွေ သိပ်မတက်ပဲ

ကိုယ့်ဘာသာကိုယ် လေ့လာရင်း

အတိုင်းအတာ တစ်ခုလောက်ထိ

ပိုင်နိုင် ကျွမ်းကျင်သွားသူတွေ အများကြီး ရှိပါတယ် ။

( လူ ဆရာ နဲ့ သင်ယူတာ မဟုတ်ပေမယ့်

စာအုပ်တွေ

Websites တွေ

Audio/Video Files တွေ

Softwares တွေ ကို

အကိုးအကား လုပ်ပြီး လေ့လာသွားကြတာမို့ပါ )

👉 သင်တန်းတွေ သာ တစ်ခုပြီး တစ်ခု ပတ် တတ်နေပြီး

သိပ်လည်း သိသိသာသာ မတိုးတက်တဲ့ လူတွေ

အများကြီးပါ ။ 🤔

( အထူးသဖြင့် သင်တန်း နဲ့ ဆရာကိုပဲ အားကိုးပြီး

ကိုယ့်အားကိုယ်ကိုးဖို့ မေ့နေတဲ့ လူမျိုးတွေဟာ

သိပ် မတိုးတက်ကြပါ ။

ဒါ့ကြောင့် ဆရာကောင်းဆိုတာ ကိုယ့် တပည့်ကို

ကိုယ့်ဘာသာ လုပ်ချင်လာအောင် ဆွပေး /

လုပ်တတ်လာအောင် သင်ပေးနိုင်ဖို့က

ပို အဓိက ကျတာပါ ။

တပည့်ကို ချော့ပေါင်းပြီး တပည့်ချစ်အောင်

အစစ အရာရာ လိုက်လုပ်ပေးနေရင်

ရေတို အဆင်ပြေနိုင်ပေမယ့်

ရေရှည် အတွက် မကောင်းဘူးလို့ ပဲ

ကျွန်တော်ကတော့ ယူဆပါတယ် ။

ဘယ် ပညာရပ်မှာပဲ မဆို ထူးချွန်ချင်ရင်

ကိုယ့်အား ကိုယ်ကိုး တတ်အောင်

စဉ်ဆက်မပြတ် ထိတွေ့လေ့လာဖြစ်အောင်သာ

ကြိုးစားပါဗျာ ။

ရောက်ချင်တဲ့ ပန်းတိုင်ကို ရောက်ကို ရောက်ပါလိမ့်မယ်

🙂

စေတနာဖြင့်

#ကိုဇင်ဇေ

( Founder & Trainer @ActiveEnglish )

☎️ 0943115202

☎️ 09250005174

🔆 အမှတ် ၂၈ / ၁၆၇ လမ်း / တာမွေ 🔆

About Zin Zae

♦ Active English စကားေျပာ သင္တန္း တည္ေထာင္သူ .... ( www.ActiveEnglishMyanmar.com ) ( www.facebook.com/MmEnglishLearning ) ♦ Myanmar Midas Touch အမည္ျဖင့္ Social media marketing - ( Consulting and services ) လုပ္ငန္း တည္ေထာင္ ဝန္ေဆာင္မႈေပးေနသူ ... ♦ လူငယ္မ်ား ကိုယ္ရည္ကိုယ္ေသြး တိုးတက္ေစေရးအတြက္ အၾကံဉာဏ္ ၊ ဗဟုသုတမ်ားကို ( www.sharingkozinzae.wordpress.com ) / www.facebook.com/myanmardream မွတဆင့္ မွ်ေဝေနသူ ... ♦ တစ္နည္း အားျဖင့္ " ၾကယ္ငါး ေကာက္ေနသူ " :) ♦ က်ြန္ေတာ္ဟာ ....အခ်ိန္တိုင္း အခ်ိန္တိုင္းမွာ ဒီလို သနားစရာေကာင္းတဲ့ ၾကယ္ငါးေလးေတြကို.... သူတို႕ရွင္သန္ရာ ပင္လယ္ျပင္ထဲျပန္ေရာက္ေအာင္ ျပန္ပစ္ေပးေနတတ္တဲ့ လူတစ္ေယာက္ကလြဲလို႕ .... ဘာမွ မဟုတ္ပါဘူးဗ်ာ.... :) ( zinzae@gmail.com ) - 09 25000 5174